Limpeza do Miradoiro da Cabana

domingo, 3 de marzo de 2013 | Acción Directa de Recuperación de Espazos Públicos en 10:24 |

En vista do campionato de remo que tiña cabida na ría, decidimos aproveitar para realizar a limpeza nos xardíns, e no Miradoiro da Cabana (Ao lado do Centro de Innovación e Servizos da Cabana). , co fin de proporcionar aos asistentes un lugar dende onde poder visualizar esta competición náutica. 

Os traballos consistiron no desbroce da herba, poda de árbores e limpeza de lixo. 

No devandito miradoiro existen dous buratos de máis dun metro de profundidade, ambos os dous estaban camuflados entre as herbas, supoñendo un verdadeiro perigo, ambos os dous deixámolos sinalizados cuns paus e cordas, a ver se agora as autoridades competentes son quen de ordenar que sexan tapados.

Queremos aproveitar a ocasión para denunciar que os neumáticos recollidos fai duas semanas, na marisma da Malata, seguen sen ser recollidos por parte da empresa que ten que prestar eses servizos. 

Premer na foto para ver a galería completa

NON AO MALGASTO DE 916.000 EUROS NA PRAZA DE ESPAÑA!! 

PARÉMOLOS!!