• Resumo dos traballos de recuperación do Dique Civil de A Cabana

    Hoxe aproveitando a baixa mar, traballamos no Dique Civil de A Cabana, posiblemente, o dique destas características máis antigo de España. Os traballos se centraron na limpeza de herba, algas, e mexillón dos muros, e  a retitada de bloques de cemento tirados no fondo.

    O dique é unha das pezas seleccionadas para lograr que se elixa a nosa cidade como parte do Patrimonio da Humanidade. Isto parece descoñecelo o actual goberno do Sr Rey Varela, que para o único que se acordou da candidatura da nosa cidade foi cando patrocinaron o Racing de Ferrol con 229.500 euros, por lucir o anagrama na súa camiseta.

    E como non hai 1 sen 2.

    O señor Alcalde presenta estes días á cidadanía dúas obras, ambas denomínaas como "Pulmón Verde", 450.000 euros para o Parque Raíña Sofía e outros 916.426,06 euros para a Praza de España.

    Descoñece o goberno de Ferrol que ese "Pulmón Verde" xa existe??. Pois así é, e o teñen abandonado, trátase do terreo do Montón de Caranza, de 28.000 m2, nesta esta zona verde municipal realizouse un estudo, que demostrou que contén máis dun millar de árbores de 58 especies diferentes, algúns son exemplares realmente valiosos, como un Buxo de catro metros de alto que, polo seu tamaño, é o cuarto en importancia dos que hai nos parques públicos, un cedro do Atlas, ou a concentración de 103 loureiros, dos cales destaca un por ser "extremadamente grande". O que o converte a esta zona de Ferrol nun auténtico parque botánico.

    Esta información sae recollida na propia Web do Concello: http://www.ferrol.es/ampliar.aspx?id=31893

    Actualmente nesa zona amontóanse toneladas de residuos, repartidos en catro vertedoiros ilegais permanentes, ante a total pasividade do actual goberno local.

    Tampouco entendemos como é que os partidos na oposición non piden contas sobre este proxecto. Sobre todo o PSOE, que foi o partido que promoveu no seu día este estudo ecolóxico.


1 comentarios:

  1. Unknown dijo...

    enhorabuena chic@s no sabía de este movimiento, a día de hoy nome encuentro por aquí pero en cuanto vuelva me gustaría formar parte de vuestro equipo, porque tiene mucho valor todo lo que estais haciendo: un saludo y a seguir así.

Publicar un comentario