Mina de Ouro en Ponzos - Covas

martes, 31 de julio de 2012 | Susete70 en 14:28 |

Limpeza da Mina de Ponzos por parte de Cidadáns e Desempregad@s

Fonte: http://ferrolsuso.blogspot.com.es/2012/07/limpeza-da-mina-de-ponzos-por-parte-de.html

Fart@s de ollar como se deteriora o patrimonio e a natureza de Ferrol, e vendo que o desgoberno municipal dirixido por Rey Varela non acomete ningún tipo de obra, vari@s cidadáns concienciad@s e algúns desempregad@s, decidimos acometer a limpeza da antiga Mina de Ouro en Ponzos.

O entorno da Mina estaba cuberto totalmente por silvas e felgos (tal como amosa a imaxe). Era tal a falta de limpeza que as silvas xa puñan en perigo a flora dunar asentada nesa zoa.

Para acometer dita limpeza falamos previamente con persoal da SGHN (Sociedade Galega de Historia Natural) de Ferrol, co fin de asesorarnos e determinar as zoas de traballo. Por falta de persoal nestas datas non podían achegarse, pero despois de ter falado cunha compañeira desta Asociación a tranquilicei neste senso, pois coñezo a flora autóctona existente, e a acometida só ía ser contra as silvas e felgos bravos.

A esta limpeza sumouse a Asemblea de Desempregad@s da CIG, aínda que por ser a cousa feita con tanta presa e improvisación só puido asistir un compañeiro. Esperemos que para as seguintes "acometidas" que temos pensado facer se sigan sumando xa que non so é unha laboura cívica, ecolóxica e solidaria, senón tamén de facer VISIBLE a cidadanía de Ferrol que os Desempregad@s queren traballar.

Chamamos ao xornal Diario de Ferrol para denunciar;

1º A falta de limpeza e roza tanto en veira-rúas, monte baixo de propiedade municipal, e edificios do noso Patrimonio Histórico.

2º O "pasotismo" Municipal en canto á reparación de fochas e das rúas da cidade.

3º @s desempregados non imos quedar parad@s, e imos demostrar que queremos traballar acometendo pequenas "reformas" que o desgoberno municipal non quere acometer

O incrible é que exista unha partida orzamentaria de 700.000 euros destinados a ser soterrados na Praza de España, segundo o P€P€ para facer un "Pulmón Verde".

¡¡Esiximos que eses cartos se invistan en contratar cuadrillas de desempregad@s para facer traballos, tanto de limpeza da ría, bosques, eliminación de especies invasoras, e un longo etc. de ideas que temos!!

Tamén nos ofrecemos o desgoberno municipal a pintarlles a fachada do Concello se fai falta, pero sempre e cando nós escollamos a cor